Wednesday, December 18, 2013

അങ്ങനങ്ങനെ...

ഇന്നത്തെ പുലർക്കാലം മനോഹരമായിരുന്നു...

ഞാൻ നടക്കാൻ ഇറങ്ങാൻ തുടങ്ങുമ്പോ പാച്ചുവും എണീറ്റിരുന്നു, ഉപ്പാടെ കൂടെ നടക്കാൻ പോരുന്നോന്ന് ചോദിച്ചതും  ആൾ റെഡി...

പോയി തിരിച്ച് വരുവോളം അവൾ വാ തോരാതെ സംസാരിച്ചോണ്ടിരുന്നു... 

എന്താ നേരത്തെ എണീറ്റതെന്ന് ചോദിച്ചപ്പോൾ ഇന്നലെ നേരം വൈകി കിടന്നതോണ്ടാണെന്ന്, നേരത്തെ കിടന്നാൽ എണിക്കാൻ വൈകുമെന്ന്... പക്ഷെ നേരം വൈകി കിടന്നാൽ നേരത്തെ എണിക്കാൻ പറ്റുമെന്നും പറഞ്ഞു അവൾ...

ഇന്നലെ നേരത്തെ കിടന്നിട്ടും ഉറക്കം കിട്ടിയില്ല... കുറേ നേരം കിടന്ന് ഡ്രീംസ് ഉണ്ടാക്കി കണ്ടെന്ന്... വലുതാവുന്നതൊക്കെ...

അങ്ങനെ കുറേ ഡ്രീംസ് കണ്ട് വലുതാവുമ്പോഴാവും എന്തെങ്കിലും ഒരു കാര്യം കിട്ടാതെ പോയതായി ഓർക്കുക എന്ന്... അപ്പോ അവൾ അതു മിസ്സായത് വരെ ഡ്രീംസ് മായ്ച്ചിട്ട് അത് നേടിയ ശേഷം അവിടുന്ന് വീണ്ടും ഡ്രീംസ് കാണൽ കണ്ടിന്യൂ ചെയ്യുമെന്ന്... 

പിന്നെ ക്ലാസ്സിലെ നല്ല  മിടുക്കിയായ അവളുടെ ഫ്രണ്ടിനെ പറ്റി പറഞ്ഞു...

ഭൂമിയിൽ നിന്നും ചന്ദ്രനിലേക്കുള്ള ദൂരത്തെ പറ്റി...

ലീപ് ഇയറിനെ പറ്റി...

അങ്ങനങ്ങനെ പറഞ്ഞു കൊണ്ടിരുന്നു...

പകരം ഞാനവൾക്ക്... 

കടത്തുകാർ അവരുടെ വള്ളങ്ങളിൽ മരപ്പലകയിൽ വിരിപ്പിട്ട് അലകളുടെ താരാട്ടിൽ മൂടിപ്പുതച്ചുറങ്ങുന്നത് കാണിച്ച് കൊടുത്ത് കൊതിപ്പിച്ചു...

ആളുകൾ കടത്തിനായ് കാത്ത് നിൽക്കുന്നത് കാണിച്ച് കൊടുത്തു... 

കടൽ കാക്കകൾ വെള്ളത്തിനു മുകളിൽ മുങ്ങാതെയിരുന്ന് ഇരപിടിക്കുന്നത്... 

പടിഞ്ഞാറേ ചെരുവിൽ ചന്ദ്രൻ നിറം കുറഞ്ഞ് കുറഞ്ഞ് വരുന്നത്...

അങ്ങനങ്ങനങ്ങനെ... 

:)

3 comments:

Achyuth Balakrishnan said...

So Sweet... :-)

അപ്പു ആദ്യാക്ഷരി said...

അങ്ങനെ വഴിക്കുവാ :-)
അടുത്ത പോസ്റ്റ് എഴുതി എത്രയും വേഗം പ്ലസിൽ ഷെയർ ചെയ്യൂ.

ഇന്‍ഡ്യാഹെറിറ്റേജ്‌:Indiaheritage said...

എഴുതുന്നെങ്കിൽ ഇതു പോലെ ഒക്കെ വേണം
വായിച്ചു കഴിയുമ്പോൾ മനസിന് ഒരു കുളിര് 
താങ്ക്സ്